Psa 125 | WNC | STEP | Sike aminu Buyambam tapae banip sikaingu, waaminu tawanu Saion daka binga. Tawanu wandaka miyamunu dua siknga singgak. Kekeknga siknga yuak.

Psalms 125

Kau Isrel aminda taike miti yot gwene kopnanga kap taknga.

1 Sike aminu Buyambam tapae banip sikaingu, waaminu tawanu Saion daka binga.
Tawanu wandaka miyamunu dua siknga singgak. Kekeknga siknga yuak.
2 Sike tawanu Jerusalem takumbasike yuaing.
Ina unzakan, apman gatu masande
Buyambam tapata aminabamu unzakan pakubasike kakuya pasiwik.
3 Anututane aminabamdane kepna wai aminda
asinggan dua kayutningunin.
Sike unzing tasiwanu asikaya Anututane aminabamu
puya waiaknga atasiningunin.
4 Buyambam tapa, gata takeakngaka take amindae atasiyamuyo.
Waaminu gikane mama wamu atawakaing.
5 Siwan ngana aminu kundu kepi gutonga aknga aknga tawake gatane noman taknga ateaingu Buyambam tapata yanikwasiwan kuning.
Waaminkat gatu aminu inane waiakngana tawakaingkat yanikwasiwan kuning.
Isrel nana aminda musip kwikwik takngane yutnong.